Studiefrämjandet, Ystadsgatan 53 d, г. Мальмё
Па нядзелях з 12:15 да 15:00
(першы занятак 8 лютага, усяго 8 сустрэч, апошні занятак 29 сакавіка)
Не важна, малюеце вы даўно ці толькі пачынаеце творчы шлях: курс падыходзіць і пачаткоўцам, і тым, хто жадае сістэматызаваць базу і натхніцца новай практыкай. На занятках будзе шмат падтрымкі, зразумелыя практыкаванні і жывы працэс – без адзнак, але з увагай да прагрэсу.
Фокус курса: партрэт – пейзаж – эксперымент
Кіраўнік гуртка
Таццяна Філатава – мастачка і выкладчыца мастацтва. Нарадзілася ў 1971 годзе ў Сімферопалі. Атрымала акадэмічную мастацкую адукацыю, скончыўшы мастацка-графічны факультэт педагагічнага ўніверсітэта ў Адэсе.
Працавала ў сямейнай выдавецкай кампаніі як мастак, дызайнер і менеджэр. Ілюстравала кнігі Астрыд Ліндгрэн, Люіса Кэрала і іншых аўтараў, якія выходзілі на ўкраінскай мове. Пазней заснавала мастацкую студыю і выкладала жывапіс і малюнак дзецям і дарослым – вочна і анлайн.
З 2022 года жыве ў Швецыі, у Мальме, працягвае працаваць як мастачка і педагог. За апошнія тры гады ўдзельнічала больш як у 10 выставах.
Што будзем вывучаць (праграма курса)
1. Увядзенне + малюнак формы
Разаграванне, лініі, прапорцыі. Хуткія замалёўкі (накіды) – каб «разняволіць руку» і пачаць упэўнена бачыць форму.
2. Партрэт: канструкцыя і прапорцыі
Пабудова галавы, асноўныя прапорцыі. Як спрашчаць складанае і не губляцца ў дэталях.
3. Партрэт: колер і характар
Колер скуры, настрой, індывідуальнасць. Як праз колер, рыска і пляма перадаваць характар.
4. Пейзаж: кампазіцыя і прастора
Планавасць і перспектыва, баланс формы і пустаты. Як будаваць кампазіцыю і паводзіць погляд гледача.
5. Пейзаж: колер і атмасфера
Святло і надвор’е, стан і настрой. Вольная праца з плямай – каб пейзаж “дыхаў”.
6. Эксперымент: змешаныя тэхнікі
Калаж + жывапіс, фактуры, папера, нечаканыя спалучэнні – пашыраем выразнасць.
7. Творчая інтэрпрэтацыя
Вольная тэма (партрэт або пейзаж). Пошук уласных прыёмаў і элементаў стылю.
8. Фінальная праца + абмеркаванне
Завяршэнне адной працы, разбор і зваротная сувязь, міні-выстава.
Матэрыялы
На курсе можна працаваць рознымі матэрыяламі і іх спалучэннямі: аловак, вугаль, сангіна, туш, акварэль, акрыл, гуаш, калаж, маркеры .
Мова
Курс праводзіцца на рускай мове.
Кошт
Кошт за ўдзел у курсе – 1440 крон .
Сяброўства ў грамадстве Skruv абавязкова.
Матэрыялы ўдзельнікі набываюць самастойна.
Запіс
Запісацца можна, аплаціўшы кошт курса ў сістэме чальцоў Скрува:
Для атрымання дадатковай інфармацыі звярніцеся да Нурыі па тэлефоне / смс 076-224 82 64 .
Не выпусціце шанц развіць мастацкія навыкі, паспрабаваць новыя тэхнікі і знайсці натхненне ў цёплай творчай атмасферы. Чакаем вас на занятках!
Гэтае мерапрыемства арганізавана Скрувам у супрацоўніцтве з адукацыйным аб’яднаннем «Studiefrämjandet».
Ідэя, планаванне і правядзенне гуртка — Яўгенія Аляксандэрсан, Таццяна Філатава.
Памяшканне дае Studiefrämjandet, а яго падрыхтоўкай і ўборкай займаюцца ўдзельнікі.
Рускі тэкст аб’явы падрыхтаваў “Q11”.
Пераклад аб’явы: Ніклас Бённемарк.
Рэдакцыя тэксту і распаўсюджванне інфармацыі: Ніклас Бенемарк.
Сумесна з
